廿七日的台灣環島之旅

終於完成左人生中的一次創舉，去左廿七日的台灣環島之旅。

每一次去台灣都會有一番新景象，新感受 ...
今次去左成個月，覺得自己得到好多，好多人都覺得台灣好舊好熱好唔靚
但係只要大家用心咁去感受當地人的熱情，好客 ...
佢的建築物再唔靚都會被當地的文化所掩蓋。

好啦，我會努力慢慢打返晒咁多日的野出唻，帶大家去好好咁感受一下台灣的文化^^

每到考試呢D位, 總係特別多野想做 ..

睇左10次的戲都會覺得好鬼死好睇, 非睇不可個隻

落一落街買個早餐都總係要行到最鬼死遠個間唔好食的餐廳度買

阿媽叫你幫佢手煮個飯, 突然都會覺得阿媽係天使

間房其實平日都亂開, 考試個時仲係會同自己講:"咁亂, 溫唔到書蹯!" 之後用幾個鐘去執

等等等等的藉口 ...

唉 ..我知錯啦 .. 我下年會上堂, 會做功課, 會做好平時功 .. 唔要好似而家咁 ..日日溫到死晒咁 ..

不過可唔可以唔好俾自己咁多藉口去浪費時間呀陳雅珊?!

感謝 Candy, Athena, Alan Wong ^^

呢篇日記本身尋日想打家啦 ..不過返到家已經太支力 ..同埋要力戰 ISM, 所以而家起身先打返^^

尋日返左 CITY 傾 Project, 真係估唔到 Candy, Athena, 仲有 Alan Wong 會俾左個 surprise 我架!!
佢地買左個大蛋糕唻同我慶祝返前一日的生日 ..實在感動! 萬分的感謝!

佢地 3 個其實之前已經識, 不過一直都唔熟,
係去到year 2 sem b 因為Group Project 同埋大家暑假都會去台灣的關係, 話題就係咁打開左啦!
之後就成日因為好多共同點而不停傾計, 又因為 d 朋友仔成日唔返學冇人同我食飯,
所以佢地好好心咁收留左我 ..
就係以上種種原因, 熟左! 哈哈哈哈哈

佢地 3 個係我係 associate 識的其中 3 個真心好朋友,
真係好榮幸係最後 1 個 sem 同你地熟左, 多左人分擔我的樂與怒 ..^^
謝謝你地 >3< 

今年要煩的野太多 .. 所以想低調一點過 ..

入了長洲散散心, 預告了台灣之行, 一日食足7餐 .....

結果係我塊面又大左 ...唉 ...不過算啦算啦 ...

我已經唔 care 呢樣野啦, 而家只係想考好個試, 放個完美暑假 ...

真係有 D 支力, 唔打啦, 哈哈哈, 再見!!!!

多謝咁多位同我講左生日快樂的朋友仔, 有你地的支持係我最大的動力來源 ^^

三日了, 用了三日才平復了心情 ..還算是樂觀嗎 ?

哭了三天, 回頭一看, 是一件小事嗎 ..

朋友們為了安慰我, 用盡一切的理由 .."咁先有話題性丫嗎!" 咁都講得出 ..哈哈

這三天想了又想, 日復日咁諗係咪自己錯呢?!

今日得出左最後的一個結論

設身處地企係佢地的角度諗, 如果我係佢地, 可能我都會咁諗自己 ..

因為佢地唔識我, 唔知我的背景, 唔知我係一個點的人 ..

由其是去到呢d關係到利益衝突的位的時候就更敏感 ..

唉, 由細到大都未試過遇到呢d事, 估唔到我個人摺左之後先會遇到人際關係的問題 ..

希望明天會更好吧 ..!